Пакрокавы ўрок па VFX або візуальных эфектах

  Бум-бадабум! У гэтым тутарыяле мы пакажам, як маляваць VFX, або вiзуальныя эфекты — гэта спецэфекты ў гульнях i кiно: выбухi, лазеры, iскры, дым, фаерволы i шмат iншых штук.     Звычайна iх робяць на гульнявых рухавiках, выкарыстоўваючы сiстэму часцiц. Сiстэма часцiц мае выпраменьвальнiк, якi выпраменьвае ў паветра малюнкi i мадэлi.     Але перад тым, як уставiць спецэфект у гульню або ў фiльм, трэба паглядзець, як ён будзе выглядаць — i тут у працу ўключаюцца 2D-мастакi. Дарэчы, у iлюстрацыях такiя эфекты таксама шырока выкарыстоўваюцца!    

Тры часткi спецэфекту

  Звычайна спецэфект змяшчае тры часткi: асноўную, другасную i трацiчную. Асноўная частка павiнна прыцягваць найбольш увагi, звычайна яна самая яркая. У нас асноўнай часткай будзе сарцавiна выбуху.     Другасная частка крыху менш актыўная, павiнна дапаўняць асноўную i падтрымлiваць iдэю. Тут гэта — купал i кальцо.     У трацiчную частку уваходзяць iскры i дым.     Дык вось, давайце маляваць! Усе асноўныя часткi робiм на розных пластах, каб iх было зручней рэдагаваць.  

Малюем спецэфект

Спачатку малюем у ч/б, выкарыстоўваем круглае вылучэнне i ласо. Пачнём з кальца — ударнай хвалi ад выбуху. Унутраныя краi робiм больш рванымi для дынамiкi, а потым дадаём яркасцi ў асноўную частку ўнутры шара.     Шукаем форму клубоў дыму: тут важна не дрыбнiць. Цяпер засталiся дэталi — дробныя часцiнкi побач з вялiкiмi формамi. Пыл не павiнен моцна прыцягваць увагу, таму малюем яго паўпразрыстым, каб ён раствараўся ў паветры.     Малюем iскаркi ад цэнтра. Аснова нашага выбуху гатова!     Пераходзiм да базавых градыентаў i свячэнняў. Падсвечваем купал праз рэжым Color Dodge.     I дадаём вонкавае свячэнне агеньчыку i купалу праз рэжым пласта Autre Glo.     Робiм агеньчык ярчэй праз Color Dodge, сочым, каб самае светлае месца было ў сярэдзiнцы, i дадаём чырвоны градыент ад купала.     Бяром нашу цуда-кісць i малюем агонь.       Паказваем святло ад выбуху на паверхнi — гэта зручна, калi сплюшчыць круглую мяккую базавую кісць — так, каб яна стала больш гарызантальнай.     Потым дадаём яшчэ яркасцi купалу праз рэжым Color Dodge. Наступны этап — гэта аб'ём дыму. Раiм выкарыстоўваць Multiply для ценяў, Color Dodge для святла i ласо для стварэння акуратнага аб'ёму.     Пасля таго, як святло i ценi намечаны, можна дадаваць блiкi i сярэднiя тоны, змякчаць нейкiя моманты iнструментам «Палец». Дадаём цень пад дымам, каб паказаць яго матэрыяльнасць. Пальцам i мяккай кісцю фiналiзуем буйныя элементы.     Цяпер займёмся дробным дымам: крыху зацямняем яго ўнiзе, пераводзiм у смарт-аб'ект i ставiм Radial Blur такiм чынам, каб ён размазваў дым у бакi ад выбуху. Смарт-аб'ект зручны тым, што мы заўсёды можам нацiснуць на фiльтр пад пластом i падкарэктаваць яго па масцы або па сiле размыцця.       Каб надаць большую пераканаўчасць выбуху, зробiм некалькi градыентаў ззаду i пад iм з дапамогай мяккай кісцi. Важна ўлiчваць, што чым далей градыент, тым ён бляднейшы i халаднейшы, а чым ён блiжэй, тым ярчэй i цяплейшы.     Дадатковым акцэнтам зробiм промнi, якiя зыходзяць ад цэнтра выбуху. Можна зэканомiць намаганнi, намаляваўшы адзiн праменьчык, а потым зрабiць некалькi копiй рознага памеру. Пераходзiм да кальца: можна прайсцiся ў масцы пласта па краi кальца агнявой кісцачкай для больш цiкавага сiлуэта. Зверху праз пласт Color Dodge робiм яркi градыент пасярэдзiне.     Цяпер дублюем кальцо, залiваем яго ярка-аранжавым i размываем праз Motion Blur. Мяняем накладанне на Color Dodge i дадаём вонкавае свячэнне праз стыль пласта.       Малюем iскры: паказваем, што ў iх ёсць асноўная больш яркая частка i аранжавы хвост, а потым дадаём свячэнне праз Outer Glow i малюем дробныя iскаркi вакол.     Дадаём унутр купала некалькi iскраў у рэжыме Color Dodge.     Фiнальны штрых — дадаём дынамiкi дыму! Для гэтага аб'яднаем усе пласты з дымам, пераведзём iх у смарт-аб'ект. Абярэм Radial Blur i па масцы фiльтра крыху сатром размыццё так, каб у цэнтры дым быў больш выразным, а па краях — больш расплывiстым.     Ну як, атрымаўся спецэфект? Паказвайце свае вынiкi ў сацсетках i абавязкова адзначайце нас, Skills Up School ❤️ Матэрыял падрыхтаваны па вiдэа-ўроку канцэпт-мастачкi Яўгенii Чарновай  

Вiдэа-ўрок з падрабязнымi крокамi