Як знайсці свой стыль у маляванні персанажаў

«Тыжмастак! Можаш мяне намаляваць?!». Ці часта сябры і знаёмыя хочуць атрымаць партрэт вашага аўтарства? Самы час абярнуць гэта на сваю карысць: узяць у іх фота (або падгледзець у сацсетках) і стварыць па ім персанажа — такое практыкаванне класна качае скіл і дапамагае знайсці свой стыль малявання людзей.

Мы спыталі тых, хто свой стыль ужо знайшоў, як працаваць з сілуэтам і дэталямі, каб перадаць унікальнасць і характар персанажа. Дзелімся з вамі іх лайфхакамі.

Выпускніца курса Skills Up School Дызайн персанажа ў анімацыі Людміла Скалон:

— У працы над стылізацыяй выявы я карыстаюся двума асноўнымі прынцыпамі — спрашчэнне форм і дэфармацыя прапорцый. Я стараюся не капіраваць усё, як ёсць, а мяняць нейкія дэталі, каб палепшыць працу.

Напрыклад, у гэтай працы мне хацелася зрабіць акцэнт на мадэльную знешнасць і вытанчанасць, таму я выцягнула ўвесь сілуэт. Таксама вывела адну руку наперад, каб пазбегнуць сіметрыі. Я не стала браць яркія колеры, а вырашыла выканаць працу ў стрыманых танах, каб атрымалася нейкае адчуванне таямнічасці, і ўвяла ў цень частку твару, што дадало загадкавасці вобразу.

Выпускніца курса Skills Up School Дызайн персанажа ў анімацыі Анастасія Жаўцякова:

— Падчас працы над заданнем я ў першую чаргу глядзела на сілуэт, якія «накіроўваючыя» ў руху цела — проста паверх фота накідвала чырвоныя лініі, а потым спрабавала ўзмацніць гэты эфект, каб поза выглядала цікавей.

Наступным этапам глядзела на прапорцыі: напрыклад, на фота ў яе штаны і курточка дзеляць фігуру роўна пасярэдзіне, што не вельмі ўдала. Таму я спецыяльна зрабіла талію вышэй, а клубы шырэй, каб яна выглядала больш жаноча. Таксама нейкія моманты, якія мне здаваліся цікавымі, узмацняла — таўшчыню каўняра, тэкстуру курточкі.

На курсе Дызайн персанажа ў анімацыі праца па стылізацыі — адно з дадатковых заданняў. На працягу трох месяцаў анлайн-навучання можна не толькі шукаць свой стыль малявання персанажаў і класна інтэрпрэтаваць, але і ствараць сваіх персанажаў з нуля ў адзінай стылістыцы з арыенцірам на графіку для гульняў, прапрацаваць эмоцыі, прычоскі, пропсы і касцюмы.

Дзве паўнавартасныя працы ў партфоліа, штотыднёвая зваротная сувязь ад куратара па хатніх заданнях — насычана і вельмі карысна для ўсіх, хто марыць стаць або ўжо працуе канцэпт-мастаком.

Даведацца падрабязнасці і запісацца можна тут.